Home Page

Information / Sonraí

Parish Priest / Sagart Paróiste: an t-Ath Micheál Ó Braonáin
Mobile: 086-8338878 / Email: miclbrennan3@gmail.com
Parish Secretary:Joan Concannon 087-2138999
Parish Office/Oifig an Paróiste: (091)590956
- 10am-3pm, Mon, Tue, Thurs, Fri
Radio FM 106.6 (signal not available in every part of the parish).
Barna live broadcast: https://www.churchtv.ie/barna/
Furbo live broadcast: https://www.churchtv.ie/furbo/
Readings: click here for today; click here for next Sunday
Léachtaí as Gaeilge - an lá inniu; an Domhnach

AN SÉÚ DOMHNACH DÉAG SAOR B

Sliocht as leabhar Jeremiah fáidh - 23:1-6

Is mairg do na tréadaithe a chuireann droch-rath agus scaipeadh ar na caoire i mo gharraí, a deir an Tiarna. Seo é, mar sin, a deir an Tiarna, Dia Israel, faoi na tréadaithe atá ag breathnú i ndiaidh mo phobail: Is sibhse a chuir scaipeadh ar mo thréad agus a chuir ar seachrán iad in áit aire a thabhairt dóibh. Cuirfidh mise bail oraibhse, mar sin, i ngeall ar an donas atá déanta agaibh, a deir an Tiarna. Ansin baileoidh mé fhéin an méid atá fágtha de mo thréad as chuile thír inar dhíbir mé iad, tabharfaidh mé ar ais iad go dtí na ngarraí fhéin, agus beidh muirín orthu agus gabhfaidh siad i méid. Ardóidh mé suas tréadaithe os a gcionn a thabharfaidh aire dóibh, agus ní bheidh aon fhaitíos orthu níos mó, ná aon mhairg, ná ní bheidh aon cheann ar iarradh, a deir an Tiarna. Tá na laethanta ag teacht go cinnte, a deir an Tiarna, nuair a ardóidh mé suas do Dháithí géagán a bheidh ceart; beidh sé críonna mar rí, agus cuirfidh sé an ceart agus an chóir chun cinn sa tír. Ina lá, sábhálfar Judah agus mairfidh Israel saor ó chontúirt. Agus seo é an t-ainm a thabharfar air: ‘An-Tiarna-ár-gceart’.

Sin é Briathar Dé.

Sliocht as litir N. Pól chuig Críostaithe Ephesus - 2:13-18

A chairde mo chléibh, anois i gCríost, sibhse a bhí i bhfad uainn tráth, tá sibh tugtha gar i ngeall ar fhuil Chríost. Mar sé ár réiteach é; ina cholainn fhéin, tá an dá dhream tugtha le chéile aige, agus an claí a bhí eadrainn - tá mé ag rá an naimhdeas a bhí eadrainn - tá sé leagtha aige. Tá an dlí, chomh maith leis na h-aitheanta agus na h-ordaithe a bhain leis, curtha ar ceal aige, le go gcuirfeadh sé tús le cine daonna nua a bheadh bunaithe air fhéin, in áit an dá dhream. Tá síocháin déanta aige tríd an gcrois le go dtabharfadh sé an dá dhream ar ais go dtí Dia in aon chorp amháin, agus ar an mbealach sin chriog sé an naimhdeas a bhí eatarthu. Tháinig sé ag fógairt réiteach daoibhse a bhí i bhfad ó bhaile agus réiteach don dream a bhí cóngarach, mar is tríd atá teacht ag chaon dream againn ar an Athair in aon Spiorad amháin.

Sin é Briathar Dé.

Sliocht as an Soiscéal naofa de réir N. Marcus - 6:30-34

Chruinnigh na h-aspail thart ar Íosa, agus d’inis siad dó faoi gach a raibh déanta acu agus faoin teagasc a bhí tugtha acu. Dúirt sé leo, ‘Tagaigí uaibh go dtí áit iargúlta asaibh fhéin agus ligigí bhur scíth tamall.’ Mar bhí go leor ag teacht agus ag imeacht, agus ní raibh sé de thríáil acu a mbéile a ithe fhéin. Agus d’imigh leo sa mbád go dtí áit iargúlta astu fhéin. Anois, chonaic go leor iad nuair a bhí siad ag imeacht agus d’aithin siad iad, agus chuaigh siad ann le deifir de shiúl a gcos as na bailte uileag agus shroicheadar an áit rompu. Nuair a chuaigh sé i dtír, chonaic sé an slua mór, agus bhí trua aige dóibh mar go raibh siad ar nós caoire nach mbeadh aonduine ag breathnú ina ndiaidh; agus thosaigh sé ag múineadh go leor rudaí dóibh.

Soisceál Dé.

Fáilte go Paróiste Bhearna & na bhForbacha